ҰКП сауда желілерін отандық тауармен 50%-ға жаңғыртуды ұсынды

«Отандық кәсіпорындар жергілікті сауда желілерінің сөресінен орын табуы оңайға соқпайтыны туралы көптен бері айтып келеді. Өткен жылы мамыр айында тамақ өндірісі саласына қолдау көрсету мақсатында кешенді шаралар қабылданған болатын, бұл Үкіметтің басымдылығы еді. Бізде бұл бағытта белсенді жұмыс істеп келеміз және сауда желілерін отандық тауармен 50%-ға қамтамасыз етуді заңнамалық тұрғыда бекітуді ұсынудамыз», - деді А. Мырзахметов.

Оның айтуынша, мұндай өлшем Ресейде де,  Беларусияда да бар. «Бұл дұрыс және Қазақстанда да осындай өлшем енгізген жөн», - деп жалғастырды ол.

Оның үстіне, ҰКП басшысы хабарлағандай, ҰКП сауда комитеті арқылы белсенді жұмыс істеуде, алайда субсидия мәселесі күні бүгінге дейін өз шешімін таппай отыр. «Миллиард теңге көлемінде субсидия беру мәселесін ҚР ИДМ талқылап жатырмыз. Әзірге бұл жоба, болашақта оның сомасы артуы мүмкін», - деп толықтырды Мырзахметов.

Индира Кауметова