Б.Сапарбаев Алматыда медициналық холдинг ашуды тапсырды

 «Алматыдағы медициналық университеттің  базасынан онкология мен радиология жөніндегі медицина холдингін ашу керек. Сонда ғана медицина қызметіне серпін беріліп, ғылымның жетістіктері іске қосылып, кадр мәселесі оңтайланады»,-деді Б.Сапарбаев.

 Сонымен қатар, вице-премьердің пікірінше, мектептердегі медициналық қызмет көрсету жұмыстарын Денсаулық сақтау министрлігіне беру керек. «Сонда тәртіп болады. Әйтпесе соңғы уақытта мектептерде түрлі аурулар мен эпидемиялар көбейіп барады»,-деді ол.  

 «Бізге қазір Қазақстанның аумағында жүзеге асырылып жатқан бағдарламалардың аясында жұмыс істеп жатқан жұмыс берушілер талап етіп отырған кадрларды дайындаған жөн.  Жекелеген медицина нысандарын есептемегенде елімізде 5 медициналық орталық бар. Жалпы біз бүгінгі таңда қандай және қанша маман кадрларды дайындап жатырмыз, ол біздің қажетімізді өтейді ме?. Өйткені біз қанша мамандарды дайындап жатсақ та елімізде медицина мамандары жетіспеуде. Сондықтан осы мәселені толық зерттеп, жоспармен жұмыс істеу керек»,-деді Б.Сапарбаев.

Камила Амирова