ДСӘДМ 2016-2020 жылдарға арналған «Саламатты Қазақстан» мембағдарламасын әзірлеуге кірісті
«Қазіргі таңда Мемлекет басшысының тапсырмасы бойынша «Саламатты Қазақстан» мемлекеттік бағдарламасының 2016-2020 жылдарға арналған шараларын дайындауға кірістік. Оның басым бағыттарының бірі алғашқы медициналық көмек көрсету болып есептеледі», - деді Т.Дүйсенова.
Қазақстанның 30 дамыған ел қатарына ену стратегиялық бағытын ескерсек, алғашқы көмек көрсету ЭЫДҰ елдерінің стандартына сәйкес болуы керек.
«Мемлекеттік бағдарламаның келесі бағыты - ауруды алдын ала анықтаудың жүйесін енгізу, бірыңғай медициналық көмек көрсетуді қамтамасыз ету. Сондай-ақ, дайындық жүйесін жаңғырту, кадрлардың біліктілігін арттыру 2009 жылы елде енгізілген Ұлттық біліктілік жүйесіне сәйкес болуы керек», - деді министр.
Айта кетерлігі, «Саламатты Қазақстан» мемлекеттік бағдарламасының бірінші кезеңін жүзеге асыру барысында қазақстандықтардың өмір сүру ұзақтығы созылып, өлім-жітім көрсеткіші азайды.
Камила Амирова
