Зейнетақы төлемдері биылғы жылдың 1-ші қаңтарынан бастап 9 пайызға көтерілді – ДСӘДМ

«Биылғы жылы денсаулық сақтау мен әлеуметтік салаға бөлінген қаржы көлемі толықтай сақталып отыр. Бұл бағыттағы жобаларды қаржыландыруға республикалық бюджеттен 2,4 триллион теңге қарастырылған. Бұл алдындағы жылмен салыстырғанда 300 миллиард теңгеге көп»,-деді министр.

Үкіметтің кеңейтілген отырыснда Елбасы барлық әлеуметтік төлемдердің сақталатындығын айтты. Осының нәтижесінде Т.Дүйсенованың айтуынша, 2015 жылдың 1-ші қаңтарынан бастап, зейнетақылық төлемдердің көлемі 9 пайызға базалық зейнетақының көлемі 7 пайызға артты. Ал, еліміздің зейнетақы жүйесін жаңғырту шаралары биыл да жалғасатын болады. «Осы уақытта базалық зейнетақыны белгілеу тәртібіне өзгеріс енгізуге және 2018 жылдан бастап жұмыс берушілердің жарналарының есебінен жиналған шартты жинақтау жүйесін енгізу арқылы зейнетақылық төлемдерді арттыруға бағытталған заң жобасы дайындалды»,-деді Т.Дүйсенова.

Осылайша, 2018 жылдан бастап, зейнетақылық төлемдердің негізгі көздері бюджет пен жұмыс берушілердің жарналары болады.   

Камила Амирова