Оңтүстік Қазақстанның эскпортқа негізделген өнім өндірушілері мемлекеттік қолдау туралы ақпарат алды

Агенттік өкілдерінің мәліметтерінше, «KAZNEX INVEST» ұжымының көмегінің арқасында  2010-2014 жылдар аралығында  Оңтүстік Қазақстан облысының 130-дан астам кәсіпорындары  мемлекеттік қолдау шараларын пайдаланған. Аталған уақыт аралығында 187,2 миллион АҚШ доллары көлеміндегі экспорттық келісімдер жасалған.

«Осы кәсіпорындардың арасында 17 компания әлемнің 14 мемлекеттеріндегі сауда-саттық шараларына, 8 компания шетелдік арнайы көрмелерге, 2 компания бірыңғай ұлттық стенд форматындағы шетелдік көрмеге қатысып, 13 компания жарнамалық-тұсаукесер шараларына атсалысты»,-делінген хабарламада.

Бұл ретте аймақтың экспорттық өнімдерінің басым бөлігін азық-түлік тауарлары (ұн, макарон өнімдері, май, кондитерлік өнімдер, алкогольсіз ішімдіктер) фармацевтикалық өнімдер, химия өнеркәсібі, тоқыма бұйымдары және трансформаторлар  құрады.

Оңтүстікқазақстандық өнім өндірушілер биылғы жылы ұлттық агенттіктің Тәжікстан, Әзірбайжан, Қырғызстан, Түркменстан, Иран, Өзбекстан, Ауғанстан,  Армения, Ресей және Моңғолия сияқты мемлекеттердегі сауда миссияларына қатыса алады.  KAZNEX INVEST болса еліміздің кәсіпорындарының халықаралық саларалық көрмелерга қатысуларына барынша қолдау көрсететін болады.