Сенат балалардың денсаулығы мен дамуына зардабын тигізетін ақпараттан қорғау туралы заңды қарады
Заң жобасының негізгі мақсаты балаларды зиянды ақпараттан қорғауды қамтамасыз ету, балалардың жасына сәйкес келетін ақпаратты алуына және таратылуына құқықтарын іске асыру, сондай-ақ олардың ақпарат кеңістігіне жағымсыз ақпараттың енуінен қорғау болып табылады.
«Құжатта ақпарат өнімдерінің сараптама жүргізу тетіктері бекітілді, сарапшыларға қойылатын талаптар, сарапшылар мен сараптамалық ұйымдарды тіркеу тәртібі белгіленді, осы саланы реттейтін мемлекеттік органдардың құзыреттері ажыратылды», - деп хабарлады Сенаттың баспасө қызметі.
Комитет отырысында сондай-ақ «Қазақстан Республикасының кейбір заңнамалық актілеріне балаларды денсаулығы мен дамуына зардабын тигізетін ақпараттан қорғау мәселелері бойынша өзгерістер мен толықтырулар енгізу туралы» заң жобасы бірінші оқылымда қаралды.
Заң жобасы заңнаманы «Балаларды денсаулығы мен дамуына зардабын тигізетін ақпараттан қорғау туралы» заң жобасына сәйкес келтіру мақсатында әзірленген болатын.
Негізгі заң жобасының тұжырымдамалық бағыттарын ескере келгенде осы заң жобасымен бірқатар заңнамалық актілеріне өзгерістер мен толықтырулар енгізу ұсынылып отыр.
