Шығыс Қазақстанда ТКШ саласында 16,9 млрд теңгенің 34 жобасы жүзеге асырылды

ШҚО-да хабарлағандай, жылумен қамту - 19,5%, сумен қамту - 18,5% және электрмен қамту - 13,4% желілерінде шығындар, сонымен қатар жылумен қамту көздерінің тозуы - 64,6%-ға, сумен қамту – 61,2% -ға және электрмен қамту көздерінде – 54,1%-ға азайтылды.

Семей қаласында 36 млрд.теңгеге ЖЭО-1-де  жаңалау және кеңейту жұмыстары жүргізілуде. 2014 жылы аталған жобаға 6,7 млрд.теңге  бөлінді.

Жобаның іске асыру қуаттылығы 66 Гкал/сағ-қа дейінгі жылу тапшылығын азайтуды және Семей қаласының сол жағалауында жылуға жүктеменің қажеттілігін арттыруды қамтамасыз етуге мүмкіндік туғызды. 13 тиімсіз қазандық жабылды.

Тұрғын үй қорын жаңартуға 2014 жылы республикалық бюджет есебінен құны 589 млн.теңгеге 60 тұрғын үйге жөндеу жүргізіліп, 2015 жылға құны 270,3 млн.теңгеге 18 үйді  жөндеу жоспарлануда.

«Ақ бұлақ» бағдарламасы бойынша 2014 жылы сумен қамтамасыз ету және су шығару бойынша  29 жобаның құрылысына және жаңалауға  бюджеттен 7,3 млрд.теңге бөлінді.

17 объект қолданысқа берілді, соның ішінде Бесқарағай ауданында Өндіріс, Жарма ауданында Бірлік, Зайсан ауданында Үлкен Қаратал, Тарбағатай ауданында Қабанбай, Шемонаиха ауданы Коневка ауылында алғаш рет су құбыры іске қосылды. Сапалы ауызсумен 4 мың адам қамтамасыз етілді.

Тұрғындардың орталықтандырылған ауыз сумен қамтамасыз етуге қол жеткізуі нәтижесінде қалаларда - 96,8%, ауылдық елді мекендерде- 65%-ға қамтамасыз етілді.