ИИДМБ: ШҚО-да 2014 жылы 22 млрд теңгенің 9 жобасы іске асырылды
17 Ақпан, 2015 10:06
Облыстың индустрияландыру картасы бойынша 2014 жылы 22 млрд.теңгеге 9 жоба іске асырылып, 700 жаңа жұмыс орындары ашылды, сонымен бірге тауарларды, жұмыстар мен қызметтерді сатып алуда жергілікті қамту үлесі 92%-ды құрады.
ШҚО әкімдігінде хабарлағандай, Қазақстан Республикасының барлық инновациялық өнімінің 20 пайызы Шығыс Қазақстанда өндіріледі. Инновациялық өнім көлемі 109,4 млрд.теңгені құрады.Соңғы 2 жылда өңірлік жалпы өнім құрылымындағы инновациялық өнім 2,5 есеге артты. Инновациялық өнімнің 60%- ы экспортқа қойылған.
Жүйеқұрастырушы кәсіпорындардың тауарды сатып алу, жұмысы мен қызметі 257 млрд.теңгені құрады, соның ішінде жергілікті қамтудың үлесі 46,8% немесе 120 млрд. теңге деңгейінде қалыптасты.
Облыстың тауар өндірушілерінен ұлттық компаниялармен сатып алу көлемі 2013 жылғы деңгейден 1,7 есеге артып, 93 млрд.теңгені құрады, келісімшарттар саны 30%-ға артты.
