Талдықорған қаласының әскерилері Даңқ орденінің кавалері Кұрмантай Бақбергеновпен кездесті (ФОТО)
«Біз соғыс ардагерімен кездесу мүмкіндігіне ие болғанымызға қуаныштымыз. Сіздер біз үшін азаматтылықтың, ержүректіліктің, батырлықтың жарқын бейнесісіздер. Сіздердің ерліктеріңіз аса құнды», - деп атап өтті тәрбиелік және идеологиялық жұмыстар бөлімінің аға офицері аға лейтенант Жанат Сембаев.
Ұлы Отан соғысының ардагері Құрмантай Бақбергенов Семей облысы Шұбартау ауданындағы туған ауылы Емелтаудан 1942 жылы ақпанда соғысқа аттанады. 19-шы ерекше барлаушылар жасағында дайындықтан өтіп, Польша, Венгрия, Австрия, Молдава мемлекеттері мен Ленинград қаласын азат етуге қатысқан. Көрсеткен ерлігі үшін бірнеше мәрте ордендермен және медальдармен марапатталған, оның ішінде І және ІІ дәжередегі Даңқ өрдендері бар.
Соғыс аяқталған соң ол туған өлкесіне қайтып келіп, педагогикалық институтқа оқуға түседі. Содан соң 25 жыл бойы Аягоз бен Таскескен мектептерінде ұстаздық етеді.
Бүгінде ол өзінің демалыста болғанынан қарамастан, жастарды патриоттық рухта тәрбиелеуде аянбай тер төгіп келеді. Тіпті, толарсақтан қан кешкен жылдардағы аталарымыздың ерлігі бүгінгі өскелең ұрпаққа үлгі болсын деп Құрмантай Бақбергенов «Өмір күреске толы» кітабын жазып шығарған.
