Кезектен тыс Президент сайлауы Қазақстанның саяси тұрақтылығын нығайта түседі - В.Косарев

 «Қазақстанның коммунистік халықтық партиясының өкілдері кезектен тыс Президент сайлауын өткізу жөніндегі бастаманы толық қолдайды. Біздің барлығымызды күннен күнге үдеп келе жатқан әлемдік экономикалық дағдарыс алаңдатып отыр. Өйткені осы дағдарыстың салдарынан болатын барлық қиындықтар еңбекші халықтың мойнына түседі. Сондықтан бізге осы дағдарысты мүмкіндігінше біздің елімізде болмауына күш салу керек»,-деді  В.Косарев.

 Оның айтуынша, Мемлекет басшысының арқасында еліміз 90-шы жылдардың басындағы дағдарыстан, 1997-98- жылдардағы Азия дағдарысынан, 2008-2009 жылдардағы әлемдік дағдарыстан жақсы тәжірибе жинақтады. «Осындай күрделі жағдайда бізге кезектен тыс  сайлау өткізуді талқыға сала отырып, мемлекеттік аппарат пен заңшығарушы органдардың күшін қазіргі заманғы қауіптермен күреске бағыттау керек. Сайлау  бүкілхалықтық шара, бір жағынан ол үлкен жауапкершілік»,-деді депутат.

 Естеріңізге сала кетейік, 14 ақпан күні Қазақстан халқы Ассамблеясының Кеңесі Қазақстан азаматтарының Қазақстан Республикасы Президентінің кезектен тыс сайлауын өткізу жөніндегі ұсыныстарын қарады. Ал, бүгін «Нұр Отан» партиясы кезектен тыс Президент сайлауын өткізу жөніндегі бастаманы қолдады. Аталмыш бастаманы қолдау жөнінде «Қазақстанның Азаматтық Альянсы» заң тұлғалар бірлестігінің өкілдері де ресми түрде мәлімдеме жасады.          

Камила Амирова