• Басты
  • Астананың энергия ресурстары бойынша сыртқы сауда айналымы 7 миллиард долларды құрады
16 Ақпан, 2015 18:22

Астананың энергия ресурстары бойынша сыртқы сауда айналымы 7 миллиард долларды құрады

2014 жылдың басынан бері республикалық бюджет кірісіне кедендік және өзге де төлемдерден 79 миллиард 679 миллион 512 доллар түсіп, тауарларға 1 мың 313 декларация толтырылды. Бұл туралы Астана қаласының мемлекеттік кіріс департаменті хабарланды.
Астананың энергия ресурстары бойынша сыртқы сауда айналымы 7 миллиард  долларды құрады

Департамент деректеріне қарағанда, Астана қаласы бойынша Мемлекеттік кіріс департаментіне қарасты «Энергетический» кеден бекетінде кедендік құжаттар рәсімделеді және Кедендік Одақ арқылы өтетін энергетикалық ресурстарға кедендік бақылау жүргізіледі. «ҚазТрансГаз», «Интергаз Центральная Азия», «ҚазМұнайГаз», «Өзенмұнайгаз», «Эмбамұнайгаз», «Кегок», «ҚазТрансГаз Аймақ» акционерлік қоғамдары мен «ҚазРосГаз» жауапкершілігі шектеулі серіктестігі сияқты ең ірі деген 8 компания «орталықтандырылған кедендік рәсімдеу» тәртібі бойынша декларациялау жұмыстарын жүргізеді. Мемлекеттік кірістер департаментінен хабарланғанындай, кедендік бекетте тек тауарларды рәсімдеу жұмыстары ғана жүргізіліп қоймайды.

Онда сонымен қатар Қазақстан Республикасы Қаржы министрлігінің Мемлекеттік кіріс комитетіне қарасты мамандандырылған мемлекеттік кірістер басқармасымен сондай-ақ энергетикалық бекеттермен тікелей байланыс жүргізіп отырады. Өз кезегінде  аталмыш шара кеден арқылы өтетін тауарларды жедел әрі жан-жақты қадағалап, мәліметтердің дұрыстығын бақылауға мүмкіндік береді.

 Мемлекеттік кіріс департаментінің мәліметтері бойынша,  2014 жылдың басынан бері республикалық бюджетке кедендік және өзге де төлемдерден 79 миллиард 679 миллион 512 мың АҚШ доллары, 1 мың 313 декларация толтырылған. Осылайша, сыртқы сауда айналымы 7 миллион 87 мың 886 долларды құраған. 2014 жылы 47 мың 197 тонна мұнай мен газ тасымалданып, сырттан келетін тауарлардың салмағы 8 мың 982 тоннаны құрады.      

Барлық жаңалықтар