• Басты
  • Астанада ҰОС Жеңісінің 70 жылдығына орай «Барлық заманға сай классика» атты концерттер тізбегі өтеді

Астанада ҰОС Жеңісінің 70 жылдығына орай «Барлық заманға сай классика» атты концерттер тізбегі өтеді

16 Ақпан, 2015 20:49
«Астана» Ұлттық сурет галереясының залында «Франция музыкасы» орындалады. Кеш «Астана Опера» театры мәлімдеген - Ұлы Жеңістің 70 жылдығына арналған қайырымдылық концерттер аясында өтеді.

«Астана Опера» хабарлағандай, театр жыл бойы, осы айрықша оқиғаға орайластырылған 12 концерт өткізуді жоспарлағанын естеріңізге сала кетейік. Олардың басты мақсаты – тыңдарманға классикалық өнерді тамашалауға мүмкіндік беру.  

Концертке қатысатын солисттер - Айсұлу Байкенова (скрипка), Балжан Сапарова (флейта) және «Астана Опера» симфониялық оркестрі. Дирижері – ҚР еңбек сіңірген қайраткері Абзал Мұхитдинов.

Бұл күні тыңдарман француздық композиторлардың шығармашылығымен танысады. Атап айтқанда, елордалық көрермен тамашалайтын туындылар: Габриэль Форенің «Павана», Эрнест Шоссонның оркестр мен скрипкаға арналған поэмасы, 25 ор. және Жак Ибердің оркестр мен флейтаға арналған концерті, К. Сен-Санстың «Ажалдың биі».

 

Барлық жаңалықтар