Мемлекеттік бюджетті оңтайландыру халық алдындағы мемлекеттің әлеуметтік жауапкершілігіне әсер етпейді - Редкокашин

«Үкіметтің кеңейтілген отырсында ҚР Президенті Н.Назарбаев бюджеттік шығындарды оңтайландыру мәселесіне ерекше назар аударды. Үкіметке 2015 жылы шығындарды 10%-ға оңтайландыру тапсырылған болатын. Мемлекеттік бюджетті оңтайландыру халық алдындағы мемлекеттің әлеуметтік жауапкершілігіне әсер етпейді, зейнетақы көлемі мен әлеуметтік жәрдемақылар арттырылатын болады.  Ағымдағы жылдың қаңтар айының 1-нен бастап зейнетақы төлемдері 9%-ға көтерілді»,- деді В.Редкокашин.

Сонымен қатар, Елбасы мемлекеттік бағдарламалардың барлығы барынша отандық жеткізушілер мен тауар өндірушілерді тарту арқылы жүзеге асырылу керек, деп атап өткен болатын.

«Қолдау отандық тауар өндірушілерге көрсетіледі. Бәсекелестік біздің өндірушілерге шыңдалуға және лайықты орын алуға мүмкіндік береді», - деп толықтырды ол.

Сенат депутаты атап өткендей, қалыптасқан жаңа жағдайлар «Нұрлы жол» бағдарламасын жүзеге асыруда жедел шаралар қабылдауды қажет етті.

«Жалпыға ортақ жаһандық мәселелер ел экономикасының дамуына кері әсерін тигізуде. Барлық қазақстандықтар жұмылып бір жағадан бас , бір жеңнен қол шығаратын болса бүгінгі жаһандық мәселелерді оп оңай өткеретімізге сенімдімін»,- деп түйді Сенат депутаты

Камила Амирова