Денсаулық сақтау және әлеуметтік даму бойынша арыз-шағымдар көрсеткіші 33% азайды - ДСӘДМ

Денсаулық сақтау және әлеуметтік даму министрлігі  хабарлағандай, медициналық қызмет сапасының негізгі индикаторының бірі тұрғындардың арыз-шағымы боп табылады. Жыл сайын жеке және заңды тұлғалардан, оның ішінде сенім телефондарына және министрдің блогына келіп түскен 10 мыңға тарта үндеу қаралады.  

Медициналық және фармацевтикалық қызметті бақылау комитетінің мәліметінше, медициналық ұйымдарға жүргізілген тексерулер нәтижесінде шағымдардың тек 30% негізді екені анықталады. Соңғы 5 жылда негізгі арыз-шағымдар көрсеткіші 33% азайып, 2014 жылы 100 мың тұрғынға шаққанда 3,2 құрады (2009 жылы – 100 мың тұрғынға шаққанда 4,8 болған).  

Еске сала кетейік, 2009 жылдан бері Бірыңғай ұлттық денсаулық сақтау жүйесінің енгізілуіне байланысты «Саламатты Қазақстан» мемлекеттік бағдарламасы аясында медициналық қызметтер сапасын үздіксіз басқарудың көпқұрамды жүйесі әзірленіп, оған: медициналық ұйымдардың ішкі бақылау жүйесі, денсаулық сақтау саласындағы тәуелсіз сараптама институты, медициналық ұйымдарды аккредиттеу және медициналық қызметтер көрсету саласындағы мемлекеттік бақылау енді.