• Басты
  • Жамбыл облысында жұмысшылардың еңбек құқығын қорғау бойынша 128 ұйымда меморандум түзілді

Жамбыл облысында жұмысшылардың еңбек құқығын қорғау бойынша 128 ұйымда меморандум түзілді

16 Ақпан, 2015 14:32
Жамбыл облысында жұмыс беруші және кәсіподақтар арасында 22316 жұмысшыны қамтитын 128 ұйымдарда меморандумдарға қол қойылды, деп хабарлады Облыстың ішкі саясат басқармасы.

Қазақстан Республикасы Премьер-Министрінің орынбасары Б.М. Сапарбаевтың 2015 жылы 21 қаңтардағы әлеуметтік серіктестік пен әлеуметтік және еңбек қатынастарын реттеу бойынша республикалық үш жақты комиссияның отырысында берген хаттамалық тапсырмасын орындау мақсатында өндірістік процесті, еңбек құқығын қамтамасыз ету және қызметкерді жұмысқа орналастыруды тұрақтандыру мәселелері туралы   облыс аумағында әкімдік, жұмыс беруші және кәсіподақтар арасында  Меморандумдарға қол қою жұмыстары жүргізілуде.   

Бүгінгі күнге өндірістік процесті, еңбек құқығын қамтамасыз ету және қызметкерді жұмысқа орналастыруды тұрақтандыру мәселелері туралы  әкімдік, жұмыс беруші және кәсіподақтар арасында 22316 жұмысшыны қамтитын 128 ұйымдарда меморандумдарға қол қойылды.  

Оның 19-ы  жұмысшылар саны 16783  ірі кәсіпорындар,  109-ы жұмысшылар саны 5533 орта және шағын кәсіпорындар. Меморандумға қол қойған ірі ұйымдардың арасында  «ЕвроХим Тыңайтқыш» ЖШС, «Мейірім МО» ЖШС, «Амангелді газөңдеу зауыты» ЖШС Тараз филиалы, орта және шағын ұйымдардан «КнауфГипсТараз»ЖШС, «БиномСтройДеталь» ЖШС, «Рысбаева и К» ЖШС, «Жамбыл құс» ЖШС, «Жасұлан Флора» ЖШС бар.

Жергілікті  әкімдіктер, жұмыс беруші және кәсіподақ органдарымен бірлесіп Меморандумдар жасау жұмыстарын  жалғастыруда.

                  

  

Барлық жаңалықтар