Сыртқы істер министрлігі шетелдік аудиторияны 2015 жылдың мерейлік мерекелері туралы ақпараттандырады
16 Ақпан, 2015 12:17
Сыртқы істер министрлігі шетелдік аудиторияны 2015 жылдың мерейлік мерекелері туралы ақпараттандырады, деді Мәжіліс сағатында Сыртқы істер министрі Ерлан Ыдырысов.
«Ірі мерейлік даталарға келетін болсақ, бұл біздің дипломатиялық жұмыстың бөлігі. Біз үшін маңызды даталар – ҚХА 20 жылдығы, Конституцияның 20 жылдығы, Қазақ хандығының 550 жылдығы. Біз бұл мерекелерді шетелдік аудиторияға тарататын боламыз. Осы тақырыпта дөңгелек үстелдер, материалдар жаоиялап, делегацияларды шетелге шығарамыз», - деді министр.
Орталық аппарат пен шетелдік мекемелер жоспарлы түрде мерейлік мерекелерді тойлауға дайындалуда.
СІМ өз кезегінде Қазақ хандығының 550 жалдығын тойлауға Түрік академиясын тартады. «жақында олар Қытайға барды, Кенесары ханға қатысты материалдар тауып әкелді. Барлығы насихатталады. Біз бұл мерекелер туралы шетелдік қауым айтқанын қалаймыз», - деді Е.Ыдырысов.
Камила Амирова
