• Басты
  • Қызылорда облысында ҚХА жылы аясында «Тіл – татулық тірегі» байқауы өтті

Қызылорда облысында ҚХА жылы аясында «Тіл – татулық тірегі» байқауы өтті

16 Ақпан, 2015 10:21
Қызылорда облыстық ішкі саясат басқармасы мен Қазақстан халқы облыстық ассамблеясы хатшылығының ұйымдастыруымен өзге ұлт жастары арасында «Тіл – татулық тірегі» атты облыстық байқауы болып өтті.

«Байқауға Қызылорда қаласы мен Қазалы, Қармақшы, Жалағаш, Шиелі, Жаңақорған аудандарынан  18-30 жас аралығындағы 9 талапкер қатысты.Байқауға қатысушыларды облыс әкімі аппаратының Қоғамдық келісім орталығы директорының орынбасары Жұмабаев Асылбек Теңелұлы құттықтап, сәттілік тіледі», - деп хабарлады Ішкі саясат басқармасы.

Байқауға қатысушылар «Тіл – татулық тірегі» атты бейнероликтер байқауы, «Мемлекеттік тілді білу – бұл ...» атты эссе байқауы, ауызша тапсырмалар байқауы бойынша өз өңірін қазақ тілінде таныстырып, «Ой жарыс» байқауы бойынша 2015 жылы өтетін барлық атаулы күндерге қатысты қойылған сұрақтарға жауап берді.

«Байқау қорытындысы бойынша Қызылорда локомотив пайдалану депосының машинист көмекшісі Шиповских Геннадий І орынды жеңіп алса, Жалағаш ауданы орталық ауруханасының жұқпалы аурулар бөлімшесінің мейірбикесі Бондаренко Виолетта ІІ орынды, Қазалы ауданы, Қ.Нұрмаханов атындағы №95 мектептің тәрбиешісі Баркова Наталия ІІІ орынды иеленді», - делінген хабарламада.

Ал, Қазалы аграрлық-техникалық колледжінің 3-курс студенті Шамин Михайл, Жаңақорған аудандық ішкі саясат бөлімінің бас маманы Метелев Евгений, Шиелі ауданы, №252 Г.Ковтунов атындағы орта мектебінің 10-сынып оқушысы Чжен Марина ынтандаландыру сыйлықтарына ие болды. 

Байқауға қатысушылар дипломдармен, ескерткіш сыйлықтармен марапатталды.Облыстық байқаудың жеңімпазы ақпан айының 20-21-нде өтетін республикалық байқауға қатысады.

Барлық жаңалықтар