Астанада ардагерлердің қатысуымен ату бойынша турнир өтті (ФОТО)

16 Ақпан, 2015 10:03

Бүгін Астанада, Аэроұтқыр әскерлер десанттық-шабуыл бригадасының базасында ату бойынша турнир өткізілді. Онда Құрлық әскерлерінің әскери қызметшілері, Ауғанстан мен жергілікті соғыс ардагерлері, сонымен бірге «Нұр Отан» партиясы «Жас Отан» жастар қанатының мүшелері қатысты.

Қорғаныс министрлігінің хабарлауынша, турнир Құрлық әскері бастамасымен ұйымдастырылды. Атаулы шара Ұлы Отан соғысындағы Жеңістің 70 жылдығына, Ауғаныстаннан әскерді шығарудың 26-шы мерейтойлық датасына, Қазақстан Республикасы Аэроұтқыр әскерінің 15 жылдығына және десанттық-шабуыл бригадасының 85 жылдығына арналды.

Мерекелік шараны салтанатты түрде ашу барысында десанттық-шабуыл бригадасының командирі генерал-майор Алмаз Жұмакеев, бүгінгі ұрпақ үшін мұндай кездесулер маңызды роль атқарады деп атап өтті.

«Осылайша әскери дәстүр беріледі және сақталады, осылайша сұм соғыстан оралмағандарға құрмет көрсетеміз, осылайша әскери рихымызды өсіреміз», деп баса айтты генерал Жұмакеев.

Алты командаға 50-ден астам адам кірді. Олардың үшеуі жұмыс істеп жатқан әскерилердің командалары. Атап айтар болсақ, Құрлық әскері басқолбасшысының басқармасы, десанттық-шабуыл бригадасы және «Жас Ұлан» республикалық мектебі.

Турнирге қатысушылар ПМ пистолеті мен АК-74 Калашников автоматынан ату бойынша жарысты. Дүбірлі додада бірде бір қарсыласына дес бермеген десанттық-шабуыл бригадасы мен Құрлық әскері басқолбасшысының басқармасы бірінші орынды өзара бөлісті.

Барлық жаңалықтар