Атбасар ауданында 16 млрд теңгенің өндірістік өнімі өндірілді
15 Ақпан, 2015 14:35
2014 жылдың қорытындысы бойынша Атбасар ауданының кәсіпорындары 16 млрд. 570 млн теңгенің өндірістік өнімін өндірді, деп хабарлады аудан әкімі Андрей Никишов жергілікті халықпен есепті кездесуде.
Ол атап өткендей, ауыл шаруашылығының жалпы өнім көлемі 19 млрд. 159,1 млн. теңгені құрады. «Ауданда 19240 шаршы м. тұрғын үй қолданысқа енгізілген, бұл 2013 жылмен салыстырғанда 3,3 есе деңгейге көп. Құрылыс жұмыстарының көлемі 2 млрд. 478,4 млн. теңгеге артқан», - делінген хабарламада.
Сонымен қатар, еңбекпен қамту мақсатында экономика салаларында 1 186 жаңа жұмыс орны ашылған. Қаңтар-қараша айындағы есеп бойынша аудандағы орташа айлық жалақы 78470 теңгені құраған.
Ал, денсаулық сақтау объектілері 58 млн. теңгеден аса соммаға дәрігерлік қондырғылармен жабдықталған.
