• Басты
  • Атбасар техникалық колледжінде дуалды білім беру жүйесі табысты енгізілуде (ФОТО)

Атбасар техникалық колледжінде дуалды білім беру жүйесі табысты енгізілуде (ФОТО)

15 Ақпан, 2015 12:53
Ақмола облысының әкімі С.В.Кулагин өзінің Атбасар ауданына барған жұмыс сапарының шеңберінде Атбасар қаласындағы индустриалды-техникалық колледжге бас сұғып, аспазшы, шаштаразшы, автокөлік жөндеу бойынша дәнекерлеуші, экономист, энергетик, ауыл шаруашылығы өндірісінің тракторшы-машинашы мамандарын даярлау бойынша бірнеше оқу сыныптарының жұмыстарымен танысты.

Колледж директоры Зәуреш Асқарова атап өткендей, өткен жылы осы оқу орнында 326 студент бітіріп шыққан. Бүгінгі күні бұл жерде 120 жұмыскер еңбек етуде. Оқу орнының жеке шеберханасы бар. Атап өту керек, колледж білім берудің дуалды жүйесі бойынша жұмыс істеуде. Бүгінде білім мекемесінің басшылары жетекші кәсіпорындармен студенттерді әрі қарай жұмысқа орналастыру арқылы тәжірибеден өткізу бойынша бірнеше меморандумдарға қол қойған.   

Аймақ әкімдігінің мәліметі бойынша, студенттермен әңгімелесу барысында өңір басшысы арнаулы орта білімді білікті мамандарды дайындау, аймақтағы еңбек нарығының сұраныс қажеттілігін өтейтінін  айтып, білім беру процесі барысында тәжірибелік ептілік пен икемділікті қалыптастырудың маңыздылығын ескертті.  

Айта кетерлік жайт, Ақмола облысының еңбек нарығында орта-техникалық мамандарға сұраныс биылғы жылға шамамен 4000 нан асқанын атап өткен жөн.  

Барлық жаңалықтар