«Нұрлы жол» бағдарламасының қаржысы уақытылы игеріледі – Яковлева
14 Ақпан, 2015 15:03
«Нұрлы жол» бағдарламасының бюджеттік қаржысы уақытылы игеріледі, деп мәлімдеді ҚР Парламенті Мәжілісінің депутаты Татьяна Яковлева.
«Елбасының басты тапсырмасы «Нұрлы жол» бағдарламасын тиімді жүзеге асыру. Сонымен қатар, бюджетті нақтылау мәслесі бойынша Мемлекет басшысы Ұлттық қордан қосымша қаражат бөлуді тапсырды, бұл бағдарламаның одан ары тиімді болуы үшін жасалынып жатқан дүние»,- деді депутат ОКҚ-да өткен брифингінде.
Белгілі болғандай, алдағы үш жылға аталмыш бағдарламаны жүзеге асыру үшін 428 млрд теңге бөлінеді, оның ішінде 2015 жылға 176 млрд теңгесі қарастырылған. «Тиімділіктің басты құралы бөлінген қаржыны уақытында игеру»,- деп атап өтті Т.Яковлева.
Сонымен қатар, Елбасының бөлінген қаржы аймақтарда да уақытылы игерілуі тиіс деп атап өткенін халық қалаулысы тілге тиек етті.
Камила Амирова
