• Главная
  • ҰОС ардагерлері Н.Назарбаевқа ардагерлерді қолдаудың жалпыұлттық акциясына бастамашылық еткені үшін алғыс айтты
13 февраля, 2015 12:57

ҰОС ардагерлері Н.Назарбаевқа ардагерлерді қолдаудың жалпыұлттық акциясына бастамашылық еткені үшін алғыс айтты

Ұлы Отан соғысының ардагерлері, Алматы облысының тұрғыны Нақыспек Үмбетаевтың және Павлодар қаласының тұрғыны Александр Рудскойдан хат қабылдады, деп хабарлады Ақорданың баспасөз қызметі.
ҰОС ардагерлері Н.Назарбаевқа ардагерлерді қолдаудың жалпыұлттық акциясына бастамашылық еткені үшін алғыс айтты

« Авторлар өз хаттарында ардагерлерді қолдау мәселесіне ұдайы көңіл бөліп отырғаны үшін Мемлекет басшысына ризашылықтарын білдірген. Олар елдегі жасалған жағдайдың арқасында өздеріне тұрақты түрде жан-жақты көмек көрсетілетінін атап өткен», - делінген хабарламада.

Н.Үмбетаев Ұлы Отан соғысындағы Жеңістің алдағы 70 жылдығының маңызы жоғары екеніне тоқталған. Ол сондай-ақ Қазақстанның дамуы мен өркендеуі жолындағы кезекті қадам болып саналатын Мемлекет басшысының «Нұрлы жол – болашаққа бастар жол» атты Жолдауына қолдау білдірген.

А.Рудской Мемлекет басшысына ҰОС ардагерлерін қолдау жөніндегі жалпыұлттық акцияға бастамашылық еткені үшін алғыс білдіре келіп, Жаңа жылға алған құттықтау мен сыйлықтың өзін жақсы әсерге бөлегенін айтады.

Павлодар қаласынан хат жолдаған ардагер әлемде болып жатқан оқиғаларға  қатысты да алаңдаушылығын білдірген.

«Бізге, соғысты бастан өткергендерге адамдар қаза тауып жатқан қақтығыстар туралы есту ауыр. Біз полиэтносты, бейбітсүйгіш елде тұрамыз, алаңсызбыз, осы қуантады. Құдай бізге бұдан әрі де татулық пен келісімде өмір сүруге жазсын», – делінген хатта.