2016 жылдың 1 қаңтарынан бастап ЕАЭО-ның Кедендік кодексі күшіне енеді -Гошин

13 Ақпан, 2015 12:38

2016 жылдың 1 қаңтарынан бастап ЕАЭО-ның Кедендік кодексі күшіне енеді, деп мәлімдеді Еуразиялық экономикалық комиссияның кедендік ынтымақтастығы жөніндегі алқа мүшесі Владимир Гошин «РИА Новости» баспасөз орталығында өткен баспасөз мәслихатында.

Астанада 11-12 ақпан аралығында ЕАЭО-ның Кедендік кодексінің бірінші кезеңі аяқталды. Құжатты даярлауға Еуразиялық экономикалық комиссияның, кеден қызметінің және бизнес-қоғамдастық өкілдері де қатысты.

«Өткен жылдың желтоқсанында құжаттың жобасы үш мемлекетке жіберілді, сондай-ақ қазіргі кезде ол Арменияға да танысуға бағытталды. Біз бірінші жартыжылдықта барлық ескертулерді ескеру үшін 1 наурызға дейін тиісті ұсыныстарды аламыз деп күтудеміз. Бұдан кейін құжат қол қою рәсіміне бағытталады. Осы орайда 2016 жылдың 1 қаңтарынан бастап жаңа кедендік заңнамаға сәйкес өмір сүреміз деп үміттенеміз»,- деді В.Гошин.

Оның айтуынша, ЕАЭО-ның Кедендік кодексін даярлауға бірнеше себеп түрткі болған.

«ЕАЭО туралы келісімде кедендік реттеу ЕАЭО-ның Кедендік кодексі аясында іске асырылады деп көрсетілген. Екіншісі заңдарды кодттандыру қажеттілігі. Бүгінде кедендік тақырыпта 25 келісім бар. Келісімдердегі барлық нормалар Кедендік кодексте көрініс табатын болады»,- деп толықтырды ол.

Айта кетерлік жайт, бұл Қазақстан, Ресей, Белорусь мемлекеттерінің бизнес өауымдастығы бірлесіп жасаған алғашқы құжат.

Камила Амирова