Беларусь елінде Қазақстанның мәдениет күндері өтеді
3 Қазан, 2013 17:54
Минскіде 2013 жылдың 7-9 қазан аралығында Қазақстанның мәдениет күндері өтеді, деп хабарлайды Мәдениет және ақпарат министрлігінің баспасөз қызметі.
Беларусь Республикасындағы Қазақстан Республикасының мәдениет күндерінің салтанатты ашылу шарасы 8 қазан күні ҚР Халық әртісі Р.Рымбаева, ҚР еңбек сіңірген қайраткерлері Б.Жанұзақ, А.Трегубенко, Ж.Жарқымбаев, Н.Бекмұхамбетов, «Сазген сазы» фольклорлы-этнографиялық ансамблі, «Ұлытау» тобы, «Серпер» домбырашылар ансамблімен «Аққу» би ансамблі және басқа да өнер ұжымдарының қатысуымен қазақстандық алдыңғы қатарлы үздік солистердің қатысуымен Белорусь мемлекеттік Академиялық музыка театрында өтеді.
Ал 2014 жылы Қазақстанда Беларусь Республикасының мәдениет күндері өтпек.
