Ақтөбеде алғашқы көшпелі ауыл шаруашылығы өнімдерінің жәрмеңкелері басталды

Мұндай жәрмеңкелердің ерекшелігі мынада: ірі сауда желісі жоқ жақын маңдағы елді мекендердің тұрғындары негізгі азық-түлік өнімдерін төмен бағаға ала алады.

 «Сұраныс өте жақсы болды. Біз жеткілікті көлемде өнімдер жеткізгенмен, кейбір сатушылардың қоймалардан қосымша тауарлар әкелуіне тура келді. Айтпақшы, осы округте көшпелі сауда өткізгеннен кейін жергілікті тауар өндірушілердің бірі - «Рамазан» ЖШС осында тұрақты сауда нүктесін ашуға ұйғарды», - деді  қалалық кәсіпкерлік бөлімінің жетекшісі Анар Дәржанова.

Бұл күні Благодарное және Қарғалы округтерінде жалпы көлемі 4,8 тонна көкөніс, 3,2 тонна картоп, жарты тонна пияз, қырыққабат, сәбіз, 3 тоннадан астам бакалея өнімдері сатылды.

Қалалық әкімдіктен хабарлағандай, 5аланың 5 ауылдық округтеріндегі көшпелі жәрмеңкелер әр сенбі сайын ақпан және наурыз айларында өтіп тұратын болады.