Ақмолалық оқушылар «Жас ғалым» атты халықаралық байқауға дайындалуда
«Байқау Оңтүстік Кореяның Дэджон қаласында өтеді және ол зерттеу жұмыстарымен айналысатын Корея мен өзге де мемлекеттердің жасөспірімдерінің зияткерлік және жеке қасиеттерін дамытуға бағытталған. Байқау сонымен қатар, білім беру ұйымдарындағы зерттеу қызметінің инфрақұрылымы мен оның ұйымдастырылуын жетілдіруді көздейді»,- деп хабарлайды Ақмола облысының ішкі саясат басқармасына қарасты «Ақмола медиа орталығы».
Байқау 2 бөлімнен тұрады. Бірінші бөлімде ұйымдастыру комитеті ұсынған жұмыстарға сараптама жүргізіледі. 2-ші бөлімде бірінші, яғни іріктеу кезеңінен өткен азаматтар сынға түседі. Байқауға тек жалпы білім беру пәндері бойынша өткен республикалық ғылыми жобалар байқауының облыстық кезеңінің жеңімпаздары, жүлдегерлері мен қатысушылары қатысады.
