• Басты
  • Біздің мақсатымыз – жұмыс орындарының қысқаруына жол бермеу – В.Валиев
12 Ақпан, 2015 19:02

Біздің мақсатымыз – жұмыс орындарының қысқаруына жол бермеу – В.Валиев

Біздің мақсатымыз – жұмыс орындарының қысқаруына жол бермеу, деді «Орал «Зенит» зауыты» АҚ-ның бас директоры Вячеслав Валиев Strategy2050.kz ақпараттық агенттігіне берген сұхбатында.
Біздің мақсатымыз – жұмыс орындарының қысқаруына жол бермеу – В.Валиев

ҚР Үкіметінің кеңейтіл­ген отырысында сөйлеген Елбасымыз Нұрсұлтан Назарбаев елдегі және әлемдегі жағ­дайды тайға таңба басқандай  айтып  берді. «Біздің бүгінгі экономикалық саясатымыз дұ­рыс, мәселелер сыртқы нарықтың әсерінен туындап отыр. Қазақстанда экономикалық дағда­рыс жоқ»,  –  деді Мемлекет басшысы.

«Біздің облысымыз Ресейдің бес облысымен шекаралас болғандықтан, аймақтың экономи­касына сыртқы факторлардың қаншалықты  әсер ететінін ерекше сезінеді. Президентіміз айтқанындай, барлық қажетті шаралар­дың бә­рі шұғыл алынған, барлық ресурстар «Нұрлы жол» бағдарламасының және үдемелі ин­дус­триялды-инновациялық даму бағ­дарлама­­сы­ның екінші бесжылдығының жоспарларын жүзеге  асыруға   ба­ғытталатын  болады», - деді В.Валиев.

Ол атап өткендей, бизнесті қолдаудың шаралары жайлы айт­қанда, ол ірі компания болсын, орта кәсіпкерлік немесе жұмысын жаңа бастаған кәсіпкер болсын, олардың бірде-біреуі шет қалмайды. Осы жерде Елбасымыздың Ресейдегі сұраныстың қыс­қаруына байланысты қазақстандық экспортты диверсификациялау жөніндегі жұмыстарды күшейтуге қарқын беру туралы айтқаны аса маңызды. Сондай-ақ біз арзандатылған энерго­ресурстар мен жабдықтайтын және босалқы бөл­шектерді өзіміздің экономикамызды, соның ішінде өң­деуші кәсіпорындарды дамытуға пайдалануымыз керек. Қазір – қарқынды еңбек ете­тін уақыт. Ұлттық компаниялардан, жер қой­науын пайдалану­шылардан тапсырыстар қа­жет.

«Ең бастысы – кә­сіпорынды өнім өндірудің  қажетті көлемімен, яғни жұ­мыспен қамтама­сыз етіп, жұмыс орындарын қыс­қарт­пай сақ­тап қалуымыз керек. Мысалы, біздің зауыт басқа да кәсіпорындардың қатарында әкімдікпен жә­не кәсіподақпен жұмыс орындарын сақтап қалу жөніндегі меморандумға қол қойды. Бүгінгі таңда «Зенит» және облыстағы төрт кәсіпорын биыл­ғы Мемлекеттік қорғаныстың тапсырысы­на ен­гізілген. Сон­дықтан облыс әкімдігі мен зауыт басшылығы кәсіпорынның тұрақты жұмыс іс­теуіне барлық мүмкіндікті туғызады деп үлкен сеніммен  айтуға  болады», - деп түйіндеді ол.

Барлық жаңалықтар