А. Сәрінжіпов: Балаларды мектепке дейінгі біліммен қамту 80%-дан асып жығылды

«Бүгінде балаларды мектепке дейінгі біліммен қамту 80%-дан асып, жоспар асырыла жүзеге асырылды. Келесі жылы кеңейтіп, мемлекеттік және жеке серіктестікке коэффицент жасаймыз», - деп мәлімдеді министр.

Айта кетерлік жайт, бүгінде 8467 мектепке дейінгі білім беру ұйымдары жұмыс істейді. Олардың 3832 балабақша (1261-і жекеменшік), 4635 шағын орталық (200-і жекеменшік). 2013 жылмен салыстырғанда балабақшалар саны 492 данаға артты. 

Алайда қабылданып жатқан шараларға қарамастан балабақшаға деген қажеттілікі әлі де бар. Аталмыш мәселені шешу мақсатында Ұлттық қор есебінен 2015-2017 жылдар аралығында 20 млрд теңгеге 36 балабаша пайдаланылуға берілетін болады. 

Бұдан басқа, мемлекеттік бюджеттен бөлек жеке бизнес қаржысыда тартылады. 

Жалпы, министрдің айтуынша білім бері саласының барлық деңгейі бойынша жоспарлар жүзеге асырылған. 
«Мен министрліктің алдына қойылған барлық міндеттер білім саласының барлық деңгейлерінде іске асырылды деп сеніммен айта аламын», - деп түйді А. Сәрінжіпов.
Индира Кауметова