ҚР өрт сөндіру-құтқару спорты бойынша қысқы чемпионатқа 28 құрама команда қатысады (Фото)

ҚР ТЖ комитеті хабарлағандай,  жарыс бағдарламасы спорттың 2 түрі бойынша өтеді, атап айтқанда 4-қабаттың терезесіне шабуыл сатысы бойынша көтерілу (ерлер) және оқу мұнарасының 2-қабатының терезесіне шабуыл сатысы бойынша көтерілу (әйелдер), 100 метрлік кедергілері бар жолақты жүгіріп өту.

Қысқы чемпионаттың салтанатты ашылу рәсіміне ҚР Ішкі істер министрінің орынбасары генерал-лейтенант В.К.Божко, ҚР ІІМ ТЖ комитетінің және Қазақстан Республикасы Өрт сөндірушілер мен құтқарушылар спорт федерациясының басшылығы қатысты.

Өрт сөндіру-құтқару спорты бойынша қысқы чемпионат жыл сайын өтетін жарыс, оған біздің елдің әртүрлі қалаларынан келген спортшылар қатысады. Өз қаласы мен облысы атынан қатысып жатқандықтан олардың әрқайсысы үздік нәтиже көрсетуге тырысады.

Алайда,  жарыстар өрт сөндірушілер-спортшылардың дағдыларын арттыру мен олардың арасынан үздігін таңдағаннан басқа оларды біріктіреді, әлемдік және барабар бәсекелестік рухына шақырады, салауатты өмір салтын ұстануға шақырады. Сонымен қатар жарыстар отпен күресушілер күнделікті құтқаратын қарапайым адамдарға олардың жұмыстарының ерекшеліктерін түсінуге мүмкіндік беріп, өздерін өрт орын алған жағдайда қалай  ұстау керектігін үйретеді.

Қысқы чемпионат аясында жарыстарда қолжеткізген жетістіктері және салауатты өмір салтын белсенді түрде насихаттауға атсалысқандары үшін жарыстың үздік қатысушылары Қазақстан Республикасы ІІМ грамоталарымен, алғыс хаттарымен және дипломдарымен марапатталды.