• Басты
  • Қарағанды облысында БЖК аясында 1400-ден астам жұмыс орны ашылды

Қарағанды облысында БЖК аясында 1400-ден астам жұмыс орны ашылды

12 Ақпан, 2015 16:25
«Бизнестің жол картасы – 2020» бағдар­ламасын жүзеге асыру қолға алынған кез­ден бастап, облыста жалпы сомасы 78,2 млрд. теңгені құрайтын 442 жоба қолдау тапты.Бұл туралы облыс әкімі Нұрмұхаммед Әбдібеков 2014 жылдың қорытынды есебінде айтты.

Оның ішінде, 2014 жылы сомасы 12,5 млрд. теңге болатын 120 жобаға қолдау білдірілді. «Нәтижесінде, қолданыстағы 39,5 жұмыс орны сақталып, 10 мыңға таяу жаңа жұмыс орындары (оның ішінде, 2014 жылы 2,9 мың жұмыс орны сақталып, 1417 жаңа жұмыс орындары құрылды) ашылды», - делінген хабарламада.

2015-2019 жылдарға арналған инфра­құрылымды дамытудың «Нұрлы Жол» мем­лекеттік бағдарламасының басым ба­ғыт­тарының бірі – индустриялық және турис­тік инфрақұрылымдарды дамыту, сондай-ақ, кәсіпкерлік субъектілерінің іскерлік бел­сен­­ділігін қолдау болып табылады. Біздің облыста индустриялдық аймақтардың 8 тұ­жырымдамасы әзірленген.

«Олар 4 мың жаңа жұмыс орны құрылатын 54 кәсіп­орынды ашуға мүмкіндік береді. Сонымен қатар, облыс аумағынан өтетін жол қап­тал­дарындағы бизнесті, автокөлік пен темір­жол магистралдары төңірегіндегі қосал­қы және сервистік нысандарды, соның ішін­де, жаңа нысандарды дамыту жоспары әзір­лен­ген», - деді әкім.

Н.Әбдібеков атап өткендей, Мемлекет басшысының Жолдауындағы осы бағытты жүзеге асыру, түптеп келгенде, аймақтың ішкі өнімінде шағын және орта бизнестің үлесін арттыруды қамтамасыз етуге мүмкіндік береді. Бүгінгі күннің өзінде аймақта шағын және орта кәсіпкерліктің белсенді нысандарының саны 65 мыңнан асады. Оларда 229 мың адам жұмыспен қамтылған, яғни, 2013 жылға шаққанда – 101,2 пайыз. Өндірген өнімінің көлемі – 461 млрд. теңге.

Барлық жаңалықтар