Ақмола облысында 600-ден астам отбасы «ҚХА - 20 қайырымды ісі» акциясымен қамтылады

12 Ақпан, 2015 12:44

Ақмола облысында 600-ден астам отбасы «ҚХА - 20 қайырымды ісі» акциясымен қамтылады, деп мәлімдеді Ақмола облысы әкімінің орынбасары Нұрлан Нұркенов ОКҚ көшпелі брифингінде.

«Қазақстан халқы Ассамблеясы жылы - баршамызға ортақ мейрам. Елбасы бірінші рет атап өткендей, бұл жыл ортақ тарихи тағдыры бар ұлттар үшін халық бірлігінің жарқын көрінісіне айналуы тиіс. Ассамблея жылы нақты істер жылы болуы тиіс», - деді Н.Нұркенов.

Айта кетерлік жайт, 2015 жылдың 6 ақпанында Қазақстан халқы Ассамблеясы жылының салтанатты ашылу барысында «ҚХА - 20 қайырымды іс» акциясының бойтұмары «Тайқазан» Ақмола облысының әкімі С.Кулагинге берілді.

Эстафетаны қабылдаған аймақ оны «Мейірім» - «Милосердие» қайырымдылық акциясымен жалғастырып, аз қамтамасыз етілген отбасыларға көмек көрсетті.

Облыс бойынша 600 отбасы акциямен қамтылады. Аршалы және Зеренді аудандарында 15 млн теңгеге жанар-жағармайға қол жеткізу, тұрмыстық техника, жиһаз, жылы киім-кешек, аяқ-киім ретінде көмек көрсетілді.

Ақмола облысының жақсылыққа толған тайқазаны Солтүстік Қазақстанға жіберіледі.

Акция жыл бойы жалғасатын болады.

Камила Амирова