• Басты
  • 350-ден аса әскери қызметші Аэромобильді күштер барлау бөлімшелерінің жиынына қатысуда (Фото)
13 Ақпан, 2015 08:51

350-ден аса әскери қызметші Аэромобильді күштер барлау бөлімшелерінің жиынына қатысуда (Фото)

Алматы облысындағы Шошқалы десанттық-шабуыл бригадасында Аэромобильді күштердің бөлімдері мен барлау бөлімшелерінің лагерьлік жиыны басталды. Шараға 350-ден аса әскери қызметші, оның ішінде 35 жедел қызмет әскерилері қатысуда.
350-ден аса әскери қызметші Аэромобильді күштер барлау бөлімшелерінің жиынына қатысуда (Фото)

Аэромобильді күштер бөлімдерінің әскери дайындық жоспарына сәйкес лагерьлік жиынның мақсаты мамандығы бойынша барлаушыларды дайындау және бөлімшелердің үйлесімді қызметін орындау, деп хабарлады Қорғаныс министрлігі.

Дайындық шаралары мина жару бойынша бақылау-кешенді жаттығулар өткізу, әскери топография, медициналық және әскери-инженерлік іс жүргізу, тосқауыл кезіндегі барлау әрекеті, із кесу мен шабуыл орындауды қамтиды. -Осы міндерді орындау арқылы әскерлер норматив тапсырады және лагерьлік жиын барысында барлау бөлімшелері тек оқып, дағдысын дамытып қана қоймай, сонымен қатар бағаға сынақ тапсырады.

Осылайша біз мықтыларды анықтайтын боламыз – деп атап өтті лагерьлік жиын жетекшісі, ҚР ҚК ҚК Аэромобильді күштері қолбасшылығы барлау басқармасының бастығы Рахат Қарсембаев. Аэромобильді күштері бөлімшелерінің барлау жиыны полигондық жағдайда өтуде.

Полигонда жатып оқу үшін палаткалы лагерь, шаруашылық қамту және медициналық пункті құрылып, әскери кезекшілік ұйымдастырылған. Лагерьлік жиын екі аптаға созылады. Барлау бөлімшелерінің жаттығу қорытындысында взводтық-тактикалық арнайы оқу-жаттығу өткізіледі. Оның барысында барлаушылар аумақтық дистанцияларда өз іс-әрекеттерін орындайды. 

 

Барлық жаңалықтар