Ынтымақ пен татулықтың арқасында ғана уақыт сынынан мүдірмей өтеміз – Э.Шыңғали

12 Ақпан, 2015 12:14

Кеше Елбасымыз Н. Назарбаевтың Қазақстан Республикасы Үкіметінің кеңейтілген отырыста айтқан сөздерін теледидардан көріп-естідім. Отырысты өз басым қорытындылай келе ынтымақ пен татулықтың арқасында ғана уақыт сынынан мүдірмей өте аламыз деп шештім, деді Strategy2050.kz ақпараттық агенттігіне берген сұхбатында БҚО Орал қаласының еңбек ардагері Энгельс Шыңғали.

«Елбасы Нұрсұлтан Назарбаев ел бюджетін 700 млрд. теңгеге қысқартуды ұсынды. Аталмыш қаржы бюджеттің 10 пайызын құрайды екен. Қомақты қаржы. Мұның өзі мемлекет үшін мол мүмкіндік және жеңілдік», - деді Э.Шыңғали.

Бірақ, Елбасы сонымен қатар әлеуметтік шығындардың қысқармайтынын қадап тұрып айтты. Демек, халықтың өзге де әлеуметтік жағынан аз қорғалған топтары сияқты бізге, еңбек ардагерлеріне, алаңдайтын ештеңе жоқ, деді ардагер.

«Мемлекет басшысы өзгелермен бірге, кәсіпкерлерге де мүмкіндігінше қолда бар жұмыс орындарын қысқартпауды, жалақыны кемітпеуді де тапсырды», - деді ол.

«Елбасының Экономикалық дағдарыстың ерте ме, кеш пе, аяқталатынын көрсете келіп, ел арасында дүрбелең салмауға, түрлі мақсаттағы арандатушылыққа бой бермеу жөніндегі ойы да мейлінше салмақты. Демек, елімізге тап қазір ынтымақ пен бірлік, татулық аса қажет. Сонда ғана бәріміз уақыт сынынан мүдірмей өтеміз», - деді Энгельс Шыңғали.

Барлық жаңалықтар