Қазақстанда негізгі капиталға құйылған инвестиция көлемі 1 жылда 2,3 пайызға өсті – ҰЭМ

12 Ақпан, 2015 12:33

2015 жылғы қаңтарда негізгі капиталға салынған инвестициялар көлемі 249 млрд. теңгені құрды, бұл 2014 жылғы қаңтарға қарағанда 2,3% артық, деп хабарлады ҰЭМ Статистика комитеті.

2015 жылғы қаңтарда ауыл шаруашылығы жалпы өнімінің көлемі 79,9 млрд. теңгені құрап, 2014 жылғы қаңтарға қарағанда 3,3% артты.

2014 жылғы қаңтарда «Көлік» саласы бойынша нақты көлем индексі 107%-ды құрды.

«2015 жылғы қаңтарда жүк айналымының көлемі 40,7 млрд. ткм (коммерциялық жүк тасымалдаумен айналысатын жеке кәсіпкерлердің жүк айналымы көлемінің бағалауы есебімен) құрап, 2014 жылғы қаңтармен салыстырғанда 22% өсті. Жолаушылар айналымының көлемі 20,3 млрд. жкм құрап, 2,6% артты», - делінген хабарламада.

2015 жылғы қаңтарда «Байланыс» саласы бойынша нақты көлем индексі 110,8%-ды құрды.

Қысқа мерзімді экономикалық индикаторды есептеу жеделділікті қамтамасыз ету мақсатында жүзеге асырылады және ЖІӨ-ң 67-68%-н құрайтын ауыл шаруашылығы, өнеркәсіп, құрылыс, сауда, көлік және байланыс сияқты негізгі салалар бойынша шығарылым индекстерінің өзгеруіне негізделеді.

Барлық жаңалықтар