Атбасарда 45 отбасы баспаналы болды (ФОТО)
12 Ақпан, 2015 09:57
Атбасар қаласында 45 отбасы жаңа пәтердің кілтін алды, ол табиғи сипаттағы ТЖ салдарын жою аясында салынған болатын, деп хабарлады Ақмола облысы ішкі саясат басқармасы жанындағы «Ақмола Медиа Орталығы».
Аудан әкімі Андрей Никишов, жаңа пәтердің кілтін тапсыру барысында қоныстанушыларға бақ, береке тіледі.
Аталып өткендей, жаңа 45 пәтерлі үйде бір, екі үш бөлмелі пәтерлер бар. Олардың әрқайсысы өзінің жоспарымен ерекшеленеді және болашақ тұрғындар үшін ыңғайлы жасалған.
«Ақмола Медиа Орталығының» ақпараты бойынша, су тасқынынан зардап шеккен Атбасардағы отбасылардың барлығына үй берілді. «ТЖ салдарын жоюға арналған жоспарлы шаралардың барлығы толығымен іске асырылды», - делінген хабарламада.
