Путраджаяда Малайзияның АҚИҰ-ға қосылу мәселесі талқыланды – ҚР СІМ

12 Ақпан, 2015 09:41

Путраджая қаласында ҚР Малайзиядағы Елшісі Данияр Сарекеновтың болмыш елдің Ауыл шаруашылық және аграрлық өнеркәсіп Министрлігінің (МАШ) Бас хатшысы Ариф Рахманмен кездесуі өтіп, оның негізгі тақырыбы Малайзияның ИЫҰ азық-түлік қауіпсіздігі жөніндегі Ислам ұйымына (АҚИҰ) кіру мәселесі болды, деп хабарлады Сыртқы істер министрлігі.

Қазақстандық дипломат Ислам Ынтымақтастық Ұйымының (ИЫҰ) қамқорлығымен ҚР Президенті Н.Ә.Назарбаевтың бастамасымен құрылған Азық-түлік қауіпсіздігі жөніндегі Ислам ұйымының қызметіне Куала-Лумпурдың қосылуы қос тарапқа аграрлық-азық-түлік саласындағы екіжақты қарым-қатынастарына жаңа мүмкіндіктер тудырып, ИЫҰ кеңістігіндегі және бүкіл әлемдегі азық-түлік қауіпсіздігі саласындағы өзекті мәселелердің шешімі болар еді деген пікір білдірді.

«Осы орайда Малайзияның АШМ басшылығы 2015 жылдың 13-15 сәуірінде Астана қаласында өтуі жоспарланған АҚИҰ-ның Бас Ассамблеясына және Азық-түлік қауіпсіздігі мен ауылшаруашылықты дамыту жөніндегі ИЫҰ-ның Министрлер конференциясына қатысуға шақырылды», - делінген хабарламада.

Өз кезегінде А.Рахман малайзиялық тараптың АҚИҰ қызметіне қызығушылық танытқанын атап өтіп, Астанада өтетін аталған іс-шараларға Куала-Лумпурдың қатысуы АҚИҰ-ға қатысты нақты өз орнын анықтауда пайдасын тигізетінін, аграрлық саладағы екі жақты қарым-қатынасқа жаңаша серпін берерін жеткізді.

Сондай-ақ, тараптар 2014 жылғы 22-24 мамырда Малайзияның Премьер-Министрі Наджиб Разактың Астанаға ресми сапарының қорытындысы бойынша қабылданған Қазақстан Республикасы мен Малайзия арасындағы бірлескен Мәлімдемесінде болашағы бар бағыттар қатарына жатқызылған Қазақстан-Малайзия арасындағы ауыл шаруашылық саласындағы ынтымақтастықтың әлеуетін талқылады.

Барлық жаңалықтар