Алматыда ДДҰ-ның медициналық-санитариялық алғашқы көмек жөніндегі кеңсесі ашылды

11 Ақпан, 2015 18:26

Бүгін Алматыда Дүниежүзілік денсаулық сақтау ұйымының (ДДҰ) алғашқы медициналық санитариялық алғашқы көмек (МСАК) жөніндегі әлемдегі тұңғыш кеңсесінің ашылу салтанаты болды, деп хабарлады денсаулық сақтау және әлеуметтік даму министрлігі.

«Мұндай кеңсенің ашылуы Еуропа аймағында енгізіліп жатқан озық технологияларды меңгеруге, еліміздегі денсаулық сақтаудың зияткерлік әлеуетін қалыптастыруға және МСАК бойынша үздік әлемдік тәжірибелерді Қазақстанда дағдыландыруға мүмкіндік береді. Бірлесе атқарып отырған жұмыс нәтижесінде: денсаулық сақтаудың бастапқы буынының қолжетімділігі мен сапасы, әсіресе ауылдық жерлердің тұрғындары үшін, алдын алу бағдарламаларының тиімділігін арттыру, жұқпалы емес аурулардың туындау қаупінің белгілі факторларымен күресті күшейтуге қол жеткізілуі тиіс», - делінген хабарламада.

Жаңа құрылым медициналық-санитарлық алғашқы көмекті дамыту жөніндегі ұсыныстарды тек Қазақстанда емес, ДДҰ бүкіл Еуропа аймағы үшін әзірлеумен, зерттеумен, өңдеумен айналысатын болады.

Медициналық санитариялық алғашқы көмек (МСАК) бойынша алғашқы кеңсе ДДҰ атқарушы директорының шешімімен және Қазақстан Республикасы Үкіметінің қолдауымен елімізде ашылды. Осылайша, Алматы Дүниежүзілік денсаулық сақтау ұйымының Еуропалық өңіріндегі МСАК жөніндегі орталығына айналады.Алматығы Кеңсе ғаламдық деңгейде де, әлемнің 54 елі кіретін ДДҰ Еуропа аймағы үшін де денсаулық сақтаудың бастапқы буынын дамыту саласында жетекші рөл атқаратын болады.

Барлық жаңалықтар