Жамбыл облысында жүк тасымалдау 0,6 пайызға өсті – әкімдік
12 Ақпан, 2015 08:35
2014 жылы көліктің барлық түрлерімен жүк тасымалдау 2013 жылмен салыстырғанда 0,6%-ға өсіп, 88,9 млн. тоннаны құрады. Жолаушылар тасымалы 2,2%-ға өсті, деп хабарлады облыс әкімдігі.
Көліктің барлық түрлерімен жүк айналымы 2730,1 млн. тонна/шқ құрап ,0,5% өсті, жолаушылар айналымы - 6177,9 млн. жолаушы/шқ (өсім - 8,6%).
Қазақстан Республикасы көлік жүйесінің инфрақұрылымын дамыту бағдарламасына сәйкес облыс аумағында 2020 жылға дейін 10 автостанция, 10 жолаушыларға қызмет көрсету пункттерін және 80 такси тұрақтарын салу жоспарланған. Қазіргі таңда Тараз қаласында жаңа автостанция және Б. Момышұлы ауылында жолаушыларға қызмет көрсету пунктінің құрылысы аяқталып, пайдалануға берілді. Сонымен қатар, Тараз қаласында таксиге арналған орындар анықталып, 33 такси тұрақтары салынды.
Жолаушыларды автомобиль көлігімен тасымалдау саласын дамыту мақсатында есепті кезеңге 476 автобус сатып алынды.
