Бейрутте Қазақстан-Ливан қатынастарының нығаюы талқыланды

Сыртқы істер министрлігі хабарлағандай, кездесудің мақсаты - 2015 жылғы 10-11 маусымда Астанада өтетін Әлемдік және дәстүрлі діндер лидерлерінің V Съезінің негізгі мақсаттарын, Елбасы – Ұлт лидері Нұрсұлтан Назарбаевтың «Нұрлы жол - болашаққа бастар жол» атты Қазақстан халқына Жолдауының маңызды тармақтарын түсіндіру және ЭКСПО-2017 туралы мәлімет беру.

Ливан Парламентінің Спикері Съездің өткізілуіне, ҚР Президентінің Жолдауына және жаңа экономикалық саясатқа өте жоғары баға берді. Ол Қазақстанның Ұлттық әл-әуқат қорын құру бөлігіндегі тәжірибесі егжей-тегжейлі және терең зерттеуге лайық екендігін атап өтті.

«Қазақстандағы дінаралық келісімнің моделі әлемде ерекше орын алады. Қазақстан Республикасының Президенті Н.Назарбаевтың саясат, экономика, дін саласындағы барлық бастамалары өте орынды және дер кезінде жүзеге асырылады. Қазіргі қиын кезеңдегі жағдайды ескеріп көршілес елдермен, әсіресе Ұлы көрші Ресей Федерациясымен жүргізіп отырған сыртқы саясаты өте жоғары бағаға ие. Осы орайда, мен Н. Назарбаевтың өз елінің дамуына қосып отырған үлесін шексіз және әр қазақстандық өз Елбасын мақтан тұту қажет деп есептеймін», - деп сөзін түйіндеді.