Қазақстан ет өнімі экспортының көлемін арттырады - Мамытбеков

«Өткен жыл бойы Қазақстаннан барлығы 12 мың тонна ет өнімі экспортталды. Оның ішінде 7 мың тоннаға жуығы сиыр еті. Егер 2013 жылы экспорт көлемін 300 тоннаға жуық болғанын ескерсек, мұны алғаш рет деп айтуға болады. Бұл көлем өсе береді. Рубль бағамына байланысты бірқатар жағдайларды реттеуге тура келеді, бірақ сиыр етін экспорттау үшін барлық инфрақұрылым дайын», - деді А.Мамытбеков.

Ведомство басшысының мәліметі бойынша, «Сыбаға» бағдарламасы аясында  600 мыңнан астам мал басы тіркелген. «Орташа есеппен сойыс салмағы артқан. Егер бағдарлама басталғанда сойыс салмағы 154 келі болса, бүгінде ол 200 келіден асып жығылады», - деп толықтырды ол.

Мемлекет басшысы ауыл шаруашылығына қолдау көрсету шараларының кеңістігін кеңейту шешімін қабылдады.

«Бөлініп отырған қаржының жалпы сомасы 40 млрд теңге. Атап айтар болсақ, мал шаруашылығына қолдау көрсету үшін 25 млрд теңге қарастырылған және бұл соманың  50% малшаруашылығын субсидиялауға жұмсалады. Олар - жемдерді субсидиялау және өнімділікті арттыру шараларын субсидиялау. Бұл ауылшарушылығы тауарын өндірушілерге жылды тұрақты өткізуге мүмкіндік береді», - дем түйді АШМ.

Камила Амирова