11 Ақпан, 2015 20:23
Ақмола облысының жастарына «Нұрлы жолдың» негізгі бағыттары түсіндірілді
Ақмола облысы Бестөбе ауылында Елбасының «Нұрлы жол - Болашаққа бастар жол» халыққа жолдауын түсіндіру бойынша жастар акциясы өтті, шара Степногорск қаласының Жастардың ресурстық орталығының бастамасымен ұйымдастырылды, деп хабарлады Ақмола облысының ішкі саясат басқармасы жанындағы «Ақмола Медиа Орталығы».
Аталып өткендей, бестөбелік жоғары сынып оқушылары мен жұмысшы жастарына және ауыл тұрғындарына Елбасының «Нұрлы жол - Болашаққа бастар жол» халыққа жолдауының негізгі бағыттары түсіндірілді. Акция барасында «Отан», «жаңа экономикалық саясат», «басты құндылықтар», «саяси мәдениет», «толеранттылық» пен «мемлекеттің жас ұрпағы» сөздері жиі естілді.
«Жүргізушілердің сөздері мен Жолдауға қатысты жасалған слайдтар Қазақстанды алға жылжытуда әрбір қазақстандықтың, әсіресе жастардың белсенділігі қажет екенін еске салды», - делінген хабарламада.
Айта кетерлік жайт, жас әртістердің, мектептің шығармашылық ұжымының өнері ауылда белсенді жастар тұратынын көрсетті.
