Елімізде отандық кәсіпкерлерге қолдау көрсету үшін «Қазақстанда жасалған» акциясы басталады
11 Ақпан, 2015 15:11
Бүгін Ақордадағы Үкіметтің кеңейтілген отырысында Нұрсұлтан Назарбаев барлық сауда желілерінде отандық тауарлардың бөлімдерін ашуды тапсырды.
«Сәйкес меморандумдарға қол қоя отырып, қазақстандық үлесті арттыру бойынша форумдар өткізу тәжірибесін қайта қолға алу керек. «Қазақстанда жасалған» акциясын бастайық. Ол үшін барлық сауда желілерінде тек қазақстандық тауарлар сататын бөлімдер ашу керек», - деп мәлімдеді Мемлекет басшысы.
Президент барлық қазақстандықтарды патриот болуға және отандық тауарларды сатып алуға шақырды.
«Бұл да болса ел экономикасына азаматтарымыздың көрсеткен қолдауы болып табылады», - деді Н. Назарбаев.
Индира Кауметова
