Ұлттық банк 2015 жылы теңге бағамының бірден өзгеріске ұшырауына жол бермейді – Келімбетов

«Ұлттық банк 2015 жылы теңге бағамының бірден өзгеріске ұшырауына жол бермейді. Ол үшін тұрақтылықтың қоры бар. Егер де капиталдың ішкі нарығында өзгерістер болса, біз теңге бағамының құнсыздануына жол бермейміз», - деді Қ.Келімбетов.

Ұлттық банк төрағасы атап өткендей, 2014 жылы экономика өсімі 4 пайыздан артты, инфлянция 7,4 пайыз дәрежесінде болды. «Жалпы, өткен жылдарда Мемлекет басшысы саясатының арқасында тұрақтылықтың қорын жинау мүмкіндігі туды, ол елдің  100 млрд долларлық алтын қоры. Оның 29,8 млрд доллары – бұл Ұлттық банктің қоры, 70 млрд доллар – Ұлттық қордың қаржысы», - деді ол.

 Жақын арада Ұлттық банк пен Үкімет экономиканы долларсыздандыру бойынша жоспарды мақұлдайды. «Жоспарға нормативтік-құқықтық база өзгертулері мен төлем туралы заң және валюталық реттеу бойынша толықтырулар енгізілетін болады», - деді Келімбетов.

Камила Амирова