Қазақстанда 30 млрд теңгеге ШОБ-тың 106 жобасы мақұлданды – Сағынтаев
11 Ақпан, 2015 11:43
Қазақстанда банктер 30 млрд теңгеге шағын және орта бизнестің 106 жобасын мақұлданды, деп мәлімдеді Қазақстан Республикасы Премьер – Министрінің бірінші орынбасары Бақытжан Сағынтаев Ақордадағы Үкіметтің кеңейтілген отырысында.
«Бүгінде банктер 30 млрд теңгеге шағын және орта бизнестің 106 жобасын және 13 млрд теңгеге ірі бизнестің 8 жобасын мақұлдады», - деп мәлімдеді Б. Сағынтаев.
Осы ретте, ҚР Премьер – Министрінің бірінші орынбасары атап өткендей, қайта өңдеу саласындағы жобаларды несиелендіруге және қаржыландыруға Ұлттық қордан 100 млрд теңге көлімінде бөлінген екінші траншты игеру жұмыстары басталды.
Бұдан басқа, Б.Сағынтаев хабарлағандай, «Даму» қоры шағын және орта бизнес субъектілері үшін 192 млрд теңге көлемінде халқаралық қаржы ұйымдарынан несие желісін тартуды бастады.
Индира Кауметова
