Ақтөбеде 177 мыңнан астам шаршы метр тұрғын үй пайдалануға берілді

Ол әлемдік экономикадағы тұрақсыздықпен байланысты келеңсіз көріністерге қарамастан, Ақтөбеде тұтастай алғанда барлық саланың оң өсімін сақтауға қол жеткізілгенін атап айтты.

«Мысалға,  құрылыс жұмыстарының көлемі 13%-ға, бөлшек сауда тауар айналымы 8%-ға өсті. «Бизнестің жол картасы-2020» бағдарламасы ауқымында қаланың 129 кәсіпорындарына мемлекеттік қоладау көрсетілді. Бұл пайыздық мөлшерлемелерlі субсидиялау және несиелерді кепілдендіру, инфрақұрылымдық қолдау және жалпы сомасы бес миллиfрд теңгеден асатын гранттар бөлу», -  деді ол.

Биылғы жылы Ақтөбеде аумағы 3 гектар «Ақтөбе-Жылыжай» ЖШС-нің жылыжай кешені, «ЖанАМИ және К» ЖШС-інің мотор отыны және химиялық өндірістер шағын зауыты, «Қазжылуэгенергомонтаж» өндірісі және  басқалары жұмыстарын бастайды.

2014 жылы ғана «Нұр Ақтөбе» жаңа тұрғын үй алабында 16 блок-секция тұрғын үйлері іске қосылды - бұл 918 пәтер. Ақтөбеде коммерциялық қала салушылар да тұрғын үй құрылысын белсенді жүргізуде.  Есепті мерзім ішінде 177,3 мың шаршы метр тұрғын үй пайдалануға берілді, бұл 2013 жылғыдан 28 пайыз көп. Биылғы жылы 981 пәтерді құрайтын 18 блок-секция тұрғын үйін пайдалануғаа беру көзделуде.  

2014 жылы Ақтөбеде 34,8 шақырымдық газбен жабдықтау желілері, 201 шақырымдық сумен жабдықтау желісі  іске қосылды. Соңғы 30 жыл бойы жүргізілмеген кәріс желісін жаңартуға үлкен көңіл бөлініп отыр. 

Бес жылдың ішінде Ақтөбеде ҮИИД МБ аясында 43 инвестициялық жоба жүзеге асырылды.