Астанада ҚХР мен ҚР қылмыспен күрес саласындағы ынтымақтастықтың келешегін талқылады
10 Ақпан, 2015 20:13
Қазақстан Республикасы ІІМ-де Ішкі істер министрі Қ.Қасымовтың Қытай Халық Республикасының Қазақстан Республикасындағы Төтенше және Өкілетті елшісі Чжан Ханхуэеммен кездесуі өтті.
Кездесу барысында екі жақ есірткі қылмысымен күрес, экстремизмге қарсы әрекет, есірткінің заңсыз айналымы, сондай-ақ, қылмыскерлерді іздестіру аясындағы халықаралық ынтымақтастықтың болашағын талқылады.
Қытай жағы ҚР ІІМ-нің мүдделі салаларына өздерінің тәжірибелерін бөлісуге дайын екендіктерін жеткізді.
Кездесу өзара түсінушілік және сындарлы әңгімелесу жағдайында өтті.
