Варшава медуниверситетінің мамандары Астанада микрохирургиядан мастер-класс өткізді
3 Қазан, 2013 16:48
Астанада №1 қалалық ауруханасы базасында құлақ іші мен көмей микрохирургиясына арналған мастер-класс өтті. Оны Варшава Медицина Университетінің мамандары өткізді, деп хабарлайды елорданың денсаулық сақтау басқармасы.
Алғашқы күні Варшава Медицина Университеті бас және мойын хирургиясы клиникасы директорымен Казимир Немчик пен алдыңғы қатарлы ларинголог, профессор Антони Брузгелевич ЛОР-органдары ауруына шалдыққан 40-тан астам пациентке кеңес берді.
Кейінгі күндер ота жасау мен операциядан кейінгі уақыттардағы жара орындарын қарау әдістерін анықтауға арналды.
№1 қалалық аурухана оториноларингология орталығының алдыңғы қатарлы мамандары тарапынан 10 операция жасалған.
Айта кету керек, барлық операция монитор арқылы көрсетіліп, дәрігер мамандардың да, «Астана медицина университеті» АҚ оториноларингология кафедрасы резиденттерінің де көрінуіне жағдай жасалған.
