Мәжіліс төрағасының орынбасары Д.Назарбаева Италия елшісімен кездесті
10 Ақпан, 2015 15:37
ҚР Парламент Мәжілісі төрағасының орынбасары Дариға Назарбаева Италия Республикасының Қазақстандағы Төтенше және Өкілетті елшісі Стефано Раваньянмен кездесті.
Мәжілістің баспасөз қызметі хабарлағандай, әңгімелесушілер Қазақстан-Италия ынтымақтастығының әлеуетті бағыттарын талқылады. Сондай-ақ, Астана мен Миланда өтетін ЭКСПО-2015 және ЭКСПО-2017 мамандандырылған көрмелерін өткізу мәселелері талқыланды.
Кездесуде парламентаралық байланысты кеңейту мәселесі де тілге тиек болды. Халықаралық күн тәртібіне ерекше көңіл бөлінді. Стефано Раваньян өзекті халықаралық мәселелерді шешуде Елбасы үлкен саяси тәжірибеге ие екенін айтып өтті.
