• Главная
  • Оқушылар армия өмірінің бір күнімен танысты (Фото)
10 февраля, 2015 20:41

Оқушылар армия өмірінің бір күнімен танысты (Фото)

«Шығыс» өңірлік қолбасшылығында Семей қаласындағы «Жас ұлан» арнайы ер балалар лицейінің базасында Халық қаһарманы генерал-лейтенант Бақытжан Ертаевтың кубогына әскери-спорттық жарыс өтті, деп хабарлады Қорғаныс министрлігі.
Оқушылар армия өмірінің бір күнімен танысты (Фото)

«Жарысқа Семей өңірінің 44 мектебі қатысты. Оқушылар  «Шығыс» өңірлік қолбасшылығы жауынгерлік даярлық басқармасы дене даярлығы және спорт бөлімінің бастығы  подполковник Расул Меирмановтың жетекшілігімен нормативтер орындап, Калашников автоматын бөлшектеп, құрастырды, автомат магазиніне оқ толтырып, пневматикалық мылтықтан атты», - делінген хабарламада.

 Жаттығулар үшін АК-74 автоматтарын 35411 әскери бөлімі ұсынды. «Менің бала кезімдегі арманым орындалды. Мен әрқашан нағыз әскерде болуды армандағанмын.  Ал бұл жерде біз қарудан аттық, нормативтер тапсырдық. Болашақта мен өз өмірімді әскери қызметші болып, Отанымызды қорғау ісімен байланыстыруға тырысамын», - деді 8 сынып оқушысы Жансая Омарова.

Іс-шараға Ұлы Отан соғысы мен Ауған соғысының ардагерлері қатысты. Әскери-спорттық жарыстың құрметті қонақтары қатарында «Шығыс» өңірлік қолбасшылығы әскерлері қолбасшысының тәрбие және әлеуметтік-құқықтық жұмыстар жөніндегі орынбасары полковник Азамат Мұқатов, ҰОС ардагері Петр Коломин, «Ауғанстан және Семей қ. жергілікті соғыстар ардагерлері мен мүгедектері» қоғамдық бірлестігінің төрағасы Боранбай Бегатовтар болды.