2014 жылы Қазақстанда онкологиялық ауруға шалдығу көрсеткіші 2 мыңға жетті (Фото)

10 Ақпан, 2015 12:56

2014 жылы Қазақстанда онкологиялық ауруға шалдығу көрсеткіші 2 мыңға жетті. Бұл туралы бүгін ҚР Президенті жанындағы Орталық коммуникациялар қызметінде өткен брифингте ҚР Денсаулық сақтау және әлеуметтік даму министрлігінің бас онкологы Қуаныш Нұрғазиев мәлімдеді.

«2014 жылы пациенттердің ішінде 2000 обыр ауруына шалдыққандар бар екені анықталды. Оның 30 пайызында алғашқы сатысы болса, екінші сатысын - 57 пайыз. Оған қоса, ауруды ерте тану, теірек емделуге мүмкіндік береді», - деді сарапшы.

Ол атап өткендей, ерте танылған ауруды емдеу Қазақстан бюджетіне 200 есе жеңіл түседі.

«Бүгiнгi күнi қатерлi iсiк ауруын ерте кезiнде анықтауға көптеген ел қол жеткiзгiсi келгенiмен, оны iске асыра алмауда. Бiз дағдарысқа дейiн оны iске асыра алдық, ендi бүгiнгi күнi оны жетiлдiрiп, жалғастыруымыз керек. Мысалы, сүр безiнiң қатерлi iсiгiн бiрiншi сатысында емдеу бюджеттен 120 мың теңгенi қажет етедi. Ал, науқаста бұл дерт төртiншi сатысында анықталса, ол бюджеттен 27 млн теңгенi шығындауды талап етедi. Оған ем-дом беру барысында аса қымбат препараттарды қолдану шаралары әсер етедi», - деді ол.

Индира Қауметова

Суретті түсірген Азамат Әлиев

Барлық жаңалықтар